Geum.ru

План работы дзяржаўнай установы адукацыі "ханявіцкая сярэдняя школа" на 2011-2012 навучальны год

Вид материалаДокументы

Содержание


Сістэма работы па захаванні і ўмацаванні здароўя
Работа школьнай бібліятэкі
Кантрольныя паказчыкі
Подобный материал:
1   2   3   4   5   6   7   8   9   ...   12

Сістэма работы па захаванні і ўмацаванні здароўя

Сістэма работы па захаванні і ўмацаванні здароўя дзяцей школьнага ўзросту ўключала некалькі накірункаў, адным з якіх з’яўлялася стварэнне здароўефарміруючага асяроддзя. Адукацыйны працэс ажыццяўляўся згодна санітарна-гігіенічных патрабаванняў. Расклад урокаў і званкоў зацверджаны ў раённай санэпідстанцыі і складзены згодна шкалы цяжкасці прадметаў. Было тры перапынкі па 20 хвілін. Складзены графік кантрольных работ. Асветленасць усіх кабінетаў адпавядала норме. У кожным кабінеце былі вытрымкі з “Санітарных правіл і норм” аб рэжыме праветрывання. У рэжыме работы – фізкультурныя хвіліны ў час урокаў. Праводзіліся штомесячныя Дні здароўя, арганізавана работа 3-х спартыўных секцый, у тым ліку ад ДЮСШ і БЮТ раёна (гурток велатурызму).

З мэтай аховы жыцця і здароўя вучняў наладжана штодзённае дзяжурства вучняў, настаўнікаў, адміністрацыі.

Праводзіўся маніторынг узроўню здароўя школьнікаў, які карэкціраваўся пасля кожнага паглыбленага медагляду, назіралася станоўчая дынаміка колькасці дыспансерных хворых дзяцей.


Навучальны год
2009-2010
2010-2011

Маюць адхіленні ў здароўі (колькасць дзяцей, %)
49 (26,32%)
36 (21,3%)


Засталася высокай колькасць дыспансерных дзяцей з захворваннямі зроку, парушэнне паставы, скаліёз.

Узрасла колькасць вучняў з 2-й групай здароўя і знізілася з першай і трэцяй, што не сведчыць аб пазітыўнай тэндэнцыі.

Групы здароўя
2009-2010
2010-2011

1
128 (73,14%)
117 (69,23%)

2
27 (15,42%)
46 (27,2%)

3
19 (10,85%)
5 (2,85%)

4
1 (0,57%)
1 (0,59%)


166 вучняў (98,22%) займаліся на ўроках фізічнай культуры ў асноўнай групе (раённы паказчык 95,1%), 3-м вучням школы рэкамендаваны заняткі ў СМГ, што пацверджана даведкамі з УКК.

Рэзультатыўнасць спартыўна-масавай і фізкультурна-аздараўленчай работы ў 2010-2011 навучальным годзе выяўлена ў наступным: агульны паказчык фізічнай падрыхтаванасці вучняў вышэй раённага на 1,28 (9,04 бала і 7,76 бала), 100% вучняў ахоплены фізкультурай і спортам, ахоп вучняў пазакласнай фізкультурна-аздараўленчай работай саставіў 88,3% (раённы паказчык – 77%). 82,45% вучняў мелі высокі і вышэй сярэдняга ўзровень фізічнай падрыхтаванасці.

Высокіх рэзультатаў дасягнулі вучні ў спартыўных спаборніцтвах: ІІ месца ў круглагадзічнай спартакіядзе школьнікаў, І месца ў спартакіядзе па мнагаборстве комплекса “Абаронца Айчыны”, алімпіядзе па прадмеце “Фізічная культура і здароўе”, спаборніцтвах па валейболе сярод юнакоў, ІІ месца ў спаборніцтвах па валейболе (дзяўчынкі) у праграме “Каласок”, ІІІ месца ў асеннім кросе, валейболе (дзяўчынкі),баскетболе, спартыўным свяце “Свіслацкая лыжня”, раённых спаборніцтвах “Алімпійскія надзеі Беларусі” па зімовым мнагаборстве “Здароўе”, конкурсе турыстычных навыкаў і быту ў час правядзення раённага “Зорнага паходу”, прысвечанага Сусветнаму дню турызма. Каманда школы заняла І месца на этапе “Захоп вышыні” і ІІІ месца на этапе “Ваенна-гістарычны марш-кідок” ваенна-патрыятычнай гульні “Факел” памяці Валерыя Патоцкага, ІІІ агульнакаманднае месца ў раённых спаборніцтвах па спартыўным арыентаванні “Сняжынка”. Па выніках агляду-конкурсу на лепшую арганізацыю спартыўна-масавай і фізкультурна-аздараўленчай работы – ІV месца.

Набыта спартыўнага інвентару за пазабюджэтныя сродкі на суму 200 000 рублёў, за спонсарскую дапамогу – 2 850 000 рублёў. Спартыўным інвентаром школа забяспечана на 86% (раённы паказчык – 73%).

Тым не менш, адміністрацыі і педкалектыву неабходна пераглядзець сваю дзейнасць па ахове і ўмацаванні здароўя дзяцей, актывізаваць сістэму асветніцкай і прафілактычнай работы.

Усе дзеці ахоплены гарачым харчаваннем. Дзеці харчаваліся за кошт дзяржаўнай датацыі і датацыі бацькоў. Для 34 дзяцей з мнагадзетных і малазабяспечаных сямей, 90 дзяцей у групе падоўжанага дня арганізавана двухразавае гарачае харчаванне. Бракеражная камісія, савет па кантролі за дзіцячым харчаваннем праводзілі кантрольнае ўзважванне, сачылі за якасцю прыгатаванай ежы, нормамі выдачы, выкананнем патрабаванняў СанПіНа, прыкладнага 10-дзённага меню, прыёмам, захаваннем прадуктаў, тэхналогіяй прыгатавання ежы, арганізацыяй С-вітамінізацыі. У сярэднім на адно дзіця восенню 2010 года нарыхтавана па 18,2 кг вітаміннай прадукцыі з прышкольнага ўчастка (раённы паказчык 26,5 кг). Камісіяй па харчаванні праведзена 18 праверак з напісаннем адпаведных актаў. Недахопаў у час праверак не выяўлена, рэкамендацыі камісіі своечасова выконваліся работнікамі харчблоку.

У наступным навучальным годзе неабходна звярнуць увагу на арганізацыю актыўнага адпачынку дзяцей на перапынках, перагледзець работу 6-га дня з большым ухілам на мерапрыемствы, звязаныя з развіццём рухальнай актыўнасці вучняў, эстэтычнае афармленне рэкрэацый і кабінетаў, распрацаваць школьную праграму спартыўна-масавай аздараўленчай работы.


Работа школьнай бібліятэкі

Вялікую ролю ў атрыманні рознабаковай інфармацыі ў дапамогу адукацыйнаму працэсу адыгрывала школьная бібліятэка. Асноўнымі напрамкамі дзейнасці бібліятэкі з’яўляліся: забеспячэнне адукацыйнага працэсу і самаадукацыі шляхам бібліятэчнага інфармацыйна-бібліяграфічнага абслугоўвання вучняў і настаўнікаў; удасканаленне традыцыйных і асваенне новых бібліятэчных тэхналогій; фарміраванне эстэтычнай культуры і цікавасці да здаровага ладу жыцця.

У 2010-2011 навучальным годзе ў бібліятэцы налічвалася 218 чытачоў, 4872 наведванняў, 5017 кнігавыдачы. Колькасць падручнікаў, мастацкай і метадычнай літаратуры на пачатак навучальнага года налічвала 11432 экзэмпляры.

Кантрольныя паказчыкі

Чытачы
218

Наведванні
4 872

Кнігавыдача
5 017

Чытаемасць
21,21

Наведваемасць
19,37

Абарачальнасць
0,37