Беларуская мова І літаратура
| Вид материала | Документы |
- Пытанні тэорыі І методыкі выкладання беларускай мовы І літаратуры, 45.06kb.
- Ў прадметна-дзейнаснай форме вызначаны вучэбнымі праграмамі ў адпаведнасці з патрабаваннямі, 91.65kb.
- К. С. Фарыно 2011 г. Аб выкладанні вучэбных прадметаў «Беларуская мова» І «Беларуская, 594.23kb.
- Аб выкладанні вучэбнага прадмета (дысцыпліны) «Беларуская мова» ва ўстановах прафесіянальна-тэхнічнай, 341.31kb.
- Беларуская мова І літаратура Корбан, 113.54kb.
- Беларуская літаратура – 2010 праграма для абітурыентаў ліцэя бду, 12.3kb.
- Беларуская літаратура, 321.17kb.
- План выпуску літаратуры на 2010 год мінск, 3160.87kb.
- Рэкамендавана Метадычнай камісіяй фдп І па бдуір, 1151.67kb.
- План Вступ. Рідна мова. Мова це серце нації, 114.88kb.
БЕЛАРУСКАЯ МОВА І ЛІТАРАТУРА
У 2006/2007 навучальным годзе ва ўстановах, якія забяспечваюць атрыманне агульнай сярэдняй адукацыі, будзе прадоўжаны пераход на 12-гадовы тэрмін навучання і новы (абноўлены) змест моўнай і літаратурнай адукацыі, на ўвядзенне профільнага навучання на старшай ступені агульнай сярэдняй адукацыі. Па новых і ўдасканаленых праграмах і падручніках будуць працаваць V–Х’ класы ўстаноў, якія забяспечваюць атрыманне агульнай сярэдняй адукацыі.
З гэтага навучальнага года будзе ажыццяўляцца пераход на Тыпавы вучэбны план устаноў, якія забяспечваюць атрыманне агульнай сярэдняй адукацыі (узровень агульнай базавай адукацыі), у VI класах.
Асноўнымі мэтамі і задачамі навучання беларускай мове і літаратуры ў школе ў гэтым навучальным годзе з’яўляюцца:
павышэнне якасці ведаў вучняў па беларускай мове і літаратуры;
на аснове ведаў пра заканамернасці сістэмы беларускай літаратурнай мовы фарміраванне ў вучняў лінгвістычнага мыслення, якое з’яўляецца істотнай часткай іх гуманітарнага мыслення;
выпрацоўка ўмення карыстацца ведамі аб сістэме мовы для паляпшэння арфаграфічнай, пунктуацыйнай і маўленчай пісьменнасці;
фарміраванне асноўных камунікатыўных уменняў і навыкаў, якія забяспечваюць актывізацыю маўленчай дзейнасці вучняў у розных жыццёвых сітуацыях;
папаўненне лексікі вучняў;
развіццё канструктыўна-сінтаксічных уменняў і навыкаў;
развіццё і ўдасканаленне вуснай і пісьмовай мовы вучняў;
фарміраванне ў вучняў чытацкіх інтарэсаў, прывіццё навыкаў самастойнага чытання; развіццё эстэтычнага густу;
фарміраванне самастойнага і творчага падыходу ў асэнсаванні літаратурных твораў на ўзроўні праблематыкі, разумення аўтарскай канцэпцыі жыцця і асобы;
выхаванне асобы вучня з глыбока гуманістычным і дэмакратычным светапоглядам, самастойным мысленнем, з развітым, высокакультурным пачуццём нацыянальнай і асабістай самапавагі, асобы інтэлектуальнай і духоўна багатай.
Пры арганізацыі навучальна-выхаваўчага працэсу па беларускай мове і літаратуры ў 2006/2007 навучальным годзе трэба кіравацца наступнымі нарматыўнымі дакументамі:
Закон Рэспублікі Беларусь “Аб адукацыі” ад 29 кастрычніка 1991 г. // Нацыянальны рэестр прававых актаў Рэспублікі Беларусь. – 2002. – № 37, 2/844;
Закон Рэспублікі Беларусь “Аб унясенні змяненняў і дапаўненняў у Закон Рэспублікі Беларусь «Аб мовах у Рэспубліцы Беларусь»” ад 13 ліпеня 1998 г.;
Палажэнне аб установе, якая забяспечвае атрыманне агульнай сярэдняй адукацыі // Зборнік нарматыўных дакументаў Міністэрства адукацыі Рэспублікі Беларусь. – 2004. – № 16;
Пастанова Міністэрства адукацыі ад 17 снежня 2003 г. № 74 “Аб зацвярджэнні Тыпавога вучэбнага плана для ўстаноў, якія забяспечваюць атрыманне агульнай сярэдняй адукацыі (узровень агульнай базавай адукацыі)” // Зборнік нарматыўных дакументаў Міністэрства адукацыі Рэспублікі Беларусь. – 2004. – № 2;
Загад Міністэрства адукацыі Рэспублікі Беларусь ад 17 лютага 2006 г. № 109 “Аб зацвярджэнні вучэбнага плана ўстаноў, якія забяспечваюць атрыманне агульнай сярэдняй адукацыі, на 2006/2007 навучальны год” // Зборнік нарматыўных дакументаў Міністэрства адукацыі Рэспублікі Беларусь. – 2006. – № 7;
Загад Міністэрства адукацыі Рэспублікі Беларусь ад 30 снежня 2003 г. № 519 “Адзіны моўны рэжым установы, якая забяспечвае атрыманне агульнай сярэдняй адукацыі” // Зборнік нарматыўных дакументаў Міністэрства адукацыі Рэспублікі Беларусь. – 2004. – № 2;
Пастанова Міністэрства адукацыі ад 29 сакавіка 2004 г. “Аб унясенні змяненняў і дапаўненняў у Пастанову Міністэрства адукацыі Рэспублікі Беларусь ад 24 мая 2002 г. № 21 «Аб зацвярджэнні дзесяцібальнай шкалы і паказчыкаў ацэнкі вынікаў вучэбнай дзейнасці навучэнцаў ва ўстановах, якія забяспечваюць атрыманне агульнай сярэдняй, прафесійна-тэхнічнай, сярэдняй спецыяльнай і вышэйшай адукацыі»” // Зборнік нарматыўных дакументаў Міністэрства адукацыі Рэспублікі Беларусь. – 2004. – № 8;
Пастанова Міністэрства адукацыі ад 16 снежня 2004 г. № 76 “Аб унясенні змяненняў і дапаўненняў у Правілы атэстацыі, пераводу, арганізацыі выпускных экзаменаў і выпуску вучняў устаноў, якія забяспечваюць атрыманне агульнай сярэдняй адукацыі” // Зборнік нарматыўных дакументаў Міністэрства адукацыі Рэспублікі Беларусь. – 2005. – № 2;
Пералік падручнікаў і вучэбных дапаможнікаў, якія прыгодны для выкарыстання ў школьных бібліятэчных фондах у 2006/2007 навучальным годзе // Зборнік нарматыўных дакументаў Міністэрства адукацыі Рэспублікі Беларусь. – 2006. – № 11;
Інструктыўнае пісьмо Міністэрства адукацыі “Аб атэстацыі вучняў, якія прыступілі да вывучэння беларускай мовы і літаратуры не з пачатку сістэматычнага курса” // Зборнік нарматыўных дакументаў Міністэрства адукацыі Рэспублікі Беларусь. – 1998. – № 5.
У адпаведнасці з вучэбным планам устаноў, якія забяспечваюць атрыманне агульнай сярэдняй адукацыі, на 2006/2007 навучальны год на вывучэнне беларускай мовы і літаратуры ў школах з беларускай і рускай мовамі навучання адводзіцца наступная колькасць гадзін:
V–Х’ класы ўстаноў, якія забяспечваюць атрыманне агульнай сярэдняй адукацыі, з 12-гадовым тэрмінам навучання (5-дзённы вучэбны тыдзень)
| Вучэбны прадмет | Колькасць гадзін у тыдзень па класах | |||||
| V | VI | VII | VIII | IX | X’ | |
| 1. Беларуская мова | 3 | 3 | 2 | 2 | 2–4 | 2–4 |
| 2. Беларуская літаратура | 1/2 | 2/1 | 2 | 2/1 | ½–3 | ½–3 |