Священномученик Киприан, епископ Карфагенский
| Вид материала | Документы |
- Епископ Софийский Стефан и русская эмиграция в Болгарии Епископ Софийский Стефан видный, 124.42kb.
- Августин Аврелий (354 430 гг от рх) один из самых известных раннехристианских философов,, 81.86kb.
- Архим. Киприан Керн, 1616.28kb.
- Киприан Керн, 251.05kb.
- Священномученик Иларион (Троицкий), 390.18kb.
- Борьба народов европы и азии, 128.55kb.
- Курс лекций по сравнительному богословию московская Духовная Академия и Семинария, 1642.99kb.
- Епископ Александр (Семенов-Тян-Шанский), 1604.82kb.
- Чайчиц Александр Владимирович секретарь оргкомитета Проблемное поле: Опыт молодежного, 43.85kb.
- Новости дня, 588.75kb.
В книге Премудрости Иисуса Сирахова: муж кленыйся много исполнится беззакония и не отступит от дому его язва... И аще вотще кляся, не оправдится; ... и аще презрит, сугубо согрешит (23, 11–13). Также в Евангелии от Матфея: глаголю вам не клятися всяко..., буди же слово ваше: ей, ей; ни, ни (5, 34, 37). И в книге Исхода: не возмеши имене Господа Бога твоего всуе (20, 7).
XIII. Не должно злословить
В книге Исхода: да не злословиши и князю людий твоих да не речеши зла (22, 28). Также в псалме 33 (ст. 13, 14): кто есть человек хотяй живот, любяй дни видети благи? Удержи язык твой от зла и устне твои, еже не глаголати льсти. О том самом и в книге Левит: и рече Господь к Моисею, глаголя: изведи клявшаго вне полка, и да возложат вси слышавшии руце свои на главу его, и да побиют его камением весь сонм сынов Израилевых (24, 13–14). О том же и в Послании Павла к Ефесеям: всяко слово гнило да не исходит из уст ваших; но точию еже есть благо к созданию веры, да даст благодать слышащим (4, 29). И в Послании к Римлянам: благословите, а не клените (12, 14). Также в Евангелии от Матфея: иже бо речет аще брату своему: ... уроде, повинен есть геенне огненней (5, 22). И в другом месте того же Евангелия: глаголю же вам, яко всяко слово праздное, еже аще рекут человецы, воздадят о нем слово в день судный; от словес бо своих оправдишися, и от словес своих осудишися (12, 36–37).
XIV. Никогда не надобно роптать; но за все, случающееся с нами, должно благословлять Бога
У Иова: рцы глагол некий ко Господу, и умри. Он же воззрев, рече к ней: вскую яко едина от безумных жен возглаголала еси? Аще благая прияхом от руки Господни, злых ли не стерпим? Во всех сих приключившихся ему, ничимже согреши, Иов устнама пред Богом (2, 9–10). У него же: внял ли еси мыслию твоею на раба Моего Иова? Зане несть, яко он, на земли человек непорочен, истинен, богочестив, удаляяйся от всякия лукавыя вещи (1, 8). О том и в псалме 33 (ст. 2): благословлю Господа на всякое время, выну хвала Его во устех моих. О том же и в книге Чисел: и да престанет роптание их от Мене и не измрут (17, 10). О том также в Деяниях Апостольских: в полунощи же Павел и Сила молящеся пояста Бога; послушаху же их юзницы (16, 25). И в Послании Павла к Филипписеям: вся творите (ради любви) без роптания и размышления, да будете неповинни и цели, чада Божия (2, 14–15).
XV. Бог для того искушает людей, чтобы испытать их
В книге Бытия: Бог искушаше Авраама и рече ему: ... поими сына твоего возлюбленнаго (единородного), егоже возлюбил еси, Исаака, и иди на землю высоку и вознеси его тамо во всесожжение, на едину от гор, ихже ти реку (22, 1–2). И в книге Второзакония: искушает Господь Бог твой вас, еже уведети, аще любите Господа Бога вашего, всем сердцем вашим и всею душею вашею (13, 3). О том же и в книге Премудрости Соломона: пред лицем человеческим аще и муку приимут, упование их безсмертия исполнено; и вмале наказани бывше, великими благодетельствовани будут, яко Бог искуси их...; и яко всеплодие жертвенное прият я; и во время посещения их возсияют...; судят языком и обладают людьми, и воцарится в них Господь во веки (3, 4–8). О том также и в 1-й книге Маккавейской: Авраам не во искушении ли обретен есть верен и вменися ему в правду? (2, 52).
XVI. О благе мученичества
У премудрого Соломона: избавит от злых душу мученик11 верен (Притч. 14, 25). У него же в другом месте: тогда станет в дерзновении мнозе праведник пред лицем оскорбивших его и отметающих труды его. Видящии смятутся страхом тяжким и ужаснутся о преславнем спасении его, и рекут в себе кающеся и в тесноте духа воздыхающе: сей бе, егоже имехом некогда в посмех и в притчу поношения. Безумнии, житие его вменихом неистово и кончину его бесчестну. Како вменися в сынех Божиих и во святых жребий его есть? Убо заблудихом от пути истиннаго и правды свет не облиста нам и солнце не возсия нам; беззаконных исполнихомся стезь и погибели, и ходихом в пустыни непроходимыя, пути же Господня не уведехом. Что пользова нам гордыня? и богатство с величанием что воздаде нам? Преидоша вся она, яко сень (Прем. 5, 1–9). О том же в псалме 115 (ст. 6): честна пред Господем смерть преподобных Его. И в псалме 125 (ст. 5–6): сеющии слезами, радостию пожнут. Ходящии хождаху и плакахуся, метающе семена своя; грядуще же приидут радостию, вземлюще рукояти своя. О том самом в Евангелии от Иоанна: любяй душу свою погубит ю; и ненавидяй души своея в мире сем в живот вечный сохранит ю (12, 25). И в Евангелии от Матфея: егда же предают вы, не пецытеся, како или что возглаголете; ... не вы бо будете глаголющии, но Дух Отца вашего глаголяй в вас (10, 19–20). Опять в Евангелии от Иоанна: приидет час, да всяк, иже убиет вы, возмнится службу приносити Богу. И сия сотворят, яко не познаша Отца, ни Мене (16, 2–3). И у Матфея: блажени изгнани правды ради, яко тех есть Царствие Небесное (5, 10). У него же в другом месте: не убойтеся от убивающих тело, души же не могущих убити; убойтеся же паче могущаго и душу и тело погубити в геенне (10, 28). Также: всяк убо иже исповесть Мя пред человеки, исповем его и Аз пред Отцем Моим, иже на небесех; а иже отвержется Мене пред человеки, отвергуся его и Аз пред Отцем Моим, иже на небесех (10, 32–33). Претерпевый же до конца, той спасен будет (10, 22). О том же и у Луки: блажени будете, егда возненавидят вас человецы и егда разлучат вы и поносят и пронесут имя ваше яко зло, Сына человеческаго ради. Возрадуйтеся в той день и взыграйте, се бо, мзда ваша многа на небеси (6, 22–23). У него же: аминь глаголю вам, яко никтоже есть, иже оставит дом, или родители, или братию, или сестры, или жену, или чада, Царствия ради Божия, иже не приимет множицею во время сие, и в век грядущий живот вечный (18, 29–30). О том и в Апокалипсисе: и егда отверзе пятую печать, видех под олтарем души избиенных за слово Божие и за свидетельство, еже имеяху. И возопиша гласом великим, глаголюще: доколе, Владыко святый и истинный, не судиши и не мстиши крове нашей от живущих на земли? И даны быша комуждо их ризы белы, и речено бысть им, да почиют аще время мало, дондеже скончаются и клеврети их и братия их, имущии избиени быти, якоже и тии (6, 9–11). Там же: по сих видех, и се, народ мног, егоже изчести никтоже может, от всякаго языка и колена, и людий и племен, стояще пред престолом и пред Агнцем, облечены в ризы белы, и финицы в руках их. И возопиша гласом велиим, глаголюще: спасение седящему на престоле Богу нашему и Агнцу... И отвеща един от старец, глаголя ми: сии облеченнии в ризы белыя, кто суть и откуду приидоша? И рех ему: Господи, Ты веси. И рече ми: сии суть, иже приидоша от скорби великия и испраша ризы своя и убелиша ризы своя в крови агнчи. Сего ради суть пред престолом Божиим и служат Ему день и нощь в Церкви Его, и седяй на престоле вселится в них. Не взалчут ктому ниже вжаждут, не имать же пасти на них солнце, ниже всяк зной; яко Агнец, иже посреде престола, упасет я и наставит их на животныя источники вод, и отъимет Бог всяку слезу от очию их (7, 9–10, 13–17). И еще в Апокалипсисе: побеждающему дам ясти от древа животнаго, еже есть посреде рая Божия. Буди верен даже до смерти, и дам ти венец живота (2, 7, 10). Блажен бдяй и блюдый ризы своя, да не наг ходит и узрит срамоту его (16, 15). О том самом и во Втором послании Павла к Тимофею: аз уже жрен бываю, и время моего отшествия наста. Подвигом добрым подвизахся, течение скончах, веру соблюдох. Прочее убо соблюдается мне венец правды, егоже воздаст ми Господь в день он, праведный судия; не токмо мне, но и всем возлюбльшим явление Его (4, 6–8). И в Послании к Римлянам: есмы чада Божия; аще же чада, и наследницы; наследницы убо Богу, снаследницы же Христу, понеже с Ним страждем да и с Ним прославимся (8, 16–17). О том же и в псалме 118 (ст. 1, 2): блажени непорочнии в пути, ходящии в закони Господни. Блажени испытающии свидения12 Его.
XVII. То, что мы терпим в этом мире, ничтожно в сравнении с обещанной наградой
В Послании Павла к Римлянам: недостойны страсти нынешняго времене к хотящей славе явитися в нас (8, 18). О том же во 2-й книге Маккавейской: Господеви святый разум имущему явно есть, яко от смерти могущ избавитися, жестокия терплю на теле болезни уязвляемь, на души же сладце страха ради Его сия стражду (6, 30). И в другом месте той же книги: ты убо, окаяннейший, от настоящаго живота нас погубляеши; Царь же мира умерших нас Своих ради законов воскресит нас в воскресение живота вечнаго... Лучше убиваемым от человек упования чаяти от Бога, паки имущим воскрешеным быти от Него; тебе же воскресение в живот не будет... Власть в человецех имея тленен сый, еже хощеши, твориши; не мни же роду нашему от Бога оставлену быти. Ты же потерпи и зри велию державу Его, како тебе и семя твое умучит... Не прельщайся суетно; мы бо себе ради сия страждем согрешающе к Богу нашему... Ты же да не возвмниши неповинен быти, богоборствовати начен (7, 9, 14, 16–19).
XVIII. Ничего не должно ставить выше любви к Богу и Христу
Во Второзаконии: возлюбиши Господа Бога твоего от всего сердца твоего и от всея души твоея и от всея силы твоея (6, 5). Также в Евангелии от Матфея: иже любит отца или матерь паче Мене, несть Мене достоин; и иже любит сына или дщерь паче Мене, несть Мене достоин; и иже не приимет креста своего и вслед Мене грядет, несть Мене достоин (10, 37–38). То же в Послании Павла к Римлянам: кто ны разлучит от любве Божия? скорбь ли, или теснота, или гонение, или глад, или нагота, или беда, или мечь? Якоже есть писано: яко Тебе ради умерщвляеми есмы весь день, вменихомся якоже овцы заколения; но во всех сих препобеждаем за Возлюбльшаго ны (8, 35–37).
XIX. Должно повиноваться не своей, но Божией воле
В Евангелии от Иоанна: снидох с небесе, не да творю волю Мою, но волю Пославшаго Мя (6, 38). О том же и в Евангелии от Матфея: Отче Мой, аще возможно есть, да мимоидет от Мене чаша сия; обаче не якоже Аз хощу, но якоже Ты (26, 39). Также и в ежедневной молитве: да будет воля твоя, яко на небеси, и на земли (Мф. 6, 10). В том же Евангелии От Матфея: не всяк глаголяй Ми: Господи, Господи, внидет в Царствие Небесное; но творяй волю Отца Моего, Иже есть на небесех (7, 21). И в Евангелии от Луки: раб, ведевый волю господина своего и не уготовав, ни сотворив по воли его, биен будет много (12, 47). Также в Первом послании Иоанновом: творяй волю Божию пребывает во веки, так как Бог пребывает вовеки (2, 17).
XX. Страх служит основанием и утверждением надежды и веры
В псалме 110 (ст. 10): начало премудрости страх Господень. То же и в книге Премудрости (сына Сирахова): начало премудрости боятися Господа (1, 15). И в Притчах Соломоновых: блажен муж, иже боится всех за благоговение (28, 14). Также у Исаии: и на кого воззрю, токмо на кроткаго и молчаливаго и трепещущаго словес Моих? (66, 2). О том самом в книге Бытия: и воззва и Ангел Господень с небесе, и рече: Аврааме, Аврааме; он же рече: се, аз. И рече: да не возложиши руки твоея на отрочища; ниже да сотвориши ему что; ныне бо познах, яко боишися ты Бога, и не пощадел еси сына твоего возлюбленнаго Мене ради (22, 11–12). Также в псалме 2 (ст. 11): работайте Господеви со страхом, и радуйтеся Ему с трепетом. Во Второзаконии приводятся слова, сказанные Богом Моисею: собери ко Мне люди, и да слышат словеса Моя, да научатся боятися Мене вся дни, в няже сии живут на земли (4, 10). У Иеремии: се, дние грядут, глаголет Господь, и завещаю дому Исраилеву и дому Иудину завет нов, не по завету, егоже завещах отцем их в день, в оньже емшу Ми за руку их, извести я от земли египетския, яко тии не пребыша в завете Моем и Аз небрегох их, глаголет Господь. Яко сей завет, егоже завещаю дому Исраилеву по днех онех, глаголет Господь: дая законы Моя в мысли их, и на сердцах их напишу я, и буду им в Бога и тии будут Ми в люди. И не научит кийждо ближняго своего и кийждо брата своего, глаголя: познай Господа, яко вси познают Мя от мала даже и до великаго их; як милостив буду неправдам их и грехов их не помяну ктому. Аще вознесется небо на высоту, рече Господь, и аще смирится испод земли низу, и Аз не отвергу рода Исраилева о всех, яже сотвориша, глаголет Господь (31, 31–35). Се, Аз соберу я от всея земли, идеже разсеях я во гневе Моем и ярости Моей и в преогорчении велием; и обрящу я на сие место, и посажду я во уповании, и будут Ми в люди, и Аз буду им в Бога. И дам им путь ин и сердце ино, боятися Мене вся дни на благоту им и чадом их по них. И завещаю им завет вечный, егоже не отвращу последи их, и страх Мой дам в сердце их, ко еже не отступити им от Мене, и посещу, еже ублажити я и насажду я в сей земли с верою и со всем сердцем Моим и со всею душею Моею (32, 37–41). Также в Апокалипсисе: и двадесять и четыре старцы, пред Богом седящия на престолех своих, падоша на лица своя и поклонишася Богу, глаголюще: хвалим Тя, Господи Боже Вседержителю, иже сый и бе и грядый, яко приял еси силу Твою великую и воцарился еси. И языцы прогневашася и прииде гнев Твой и время мертвым суд прияти, и дати мзду рабам Твоим пророкам и святым и боящимся имене Твоего, малым и великим, и растлити растлившыя землю (11, 16–18). И в другом месте Апокалипсиса: и видех инаго Ангела паряща посреде небесе, имущаго Евангелие вечно благовестити живущим на земли и всякому племени и языку и колену и людем, глаголюща гласом великим: убойтеся Бога и дадите Ему славу, яко приидет час суда Его, и поклонитеся сотворшему небо и землю, и море и источники водныя (14, 6–7). И еще там же: и видех яко море сткляно смешено со огнем и победившыя зверя и образ его и начертание его и число имене его (144), стоящия на мори сткляном, имущыя гусли Божии. И пояху песнь Моисея раба Божия и песнь агнчу, глаголюще: велия и дивна дела Твоя, Господи Боже Вседержителю; праведни и истинни путие Твои, Царю святых. Кто не убоится тебе, Господи, и прославит имя Твое? Яко един преподобен еси; яко вси языцы приидут и поклонятся пред Тобою, яко оправдания твоя явишася (15, 2–4). Также у Даниила: и бе муж, живый в Вавилоне, имя же ему Иоаким, и поя жену, ей же имя Сосанна, дщерь Хелкиева, добра зело и боящися Бога. Родителя же ея праведна, и научиста дщерь свою по закону Моисеову (13, 1–3). У того же Даниила: и есмы смирени по всей земли днесь грех ради наших, и несть во время сие князя и пророка и вожда, ниже всесожжения, ниже жертвы, ниже приношения, ниже кадила, ни места, еже пожрети пред Тобою и обрести милость; но душею сокрушенною и духом смиренным да прияти будем. Яко во всесожжениих овних и юнчих, и яко во тмах агнец тучных: тако да будет жертва наша пред Тобою днесь, и да совершится по Тебе, яко несть студа уповающым на Тя. И ныне возследуем всем сердцем и боимся Тебе и ищем лица Твоего. Не посрами нас, но сотвори с нами по кротости Твоей и по множеству милости Твоея (3, 37–42). И опять у него же: тогда царь вельми возвеселися о нем (о Данииле) и рече Даниила извести из рва; и изведен бысть Даниил из рва, и ни единаго вреда не обретеся на нем, яко верова в Бога своего. И рече царь, и приведоша мужи оклеветавшыя Даниила, и в ров левск ввергоша я и сыны их и жены их; и не доидоша дна рва, даже соодолеша им львы и вся кости их истончиша. Тогда Дарий царь написа всем людем, племеном, языком, живущим во всей земли: мир вам да умножится. От лица моего заповедася заповедь сия во всей земли царства моего, да будут трепещуще и боящеся от лица Бога Даниилова, яко Той есть Бог живый и пребываяй во веки, и царство Его не разсыплется и власть Его до конца; подъемлет и избавляет, и творит знамения и чудеса на небеси и на земли, иже избави Даниила от уст львовых (6, 23–27). Также у Михея: в чем постигну Господа? срящу Бога моего Вышняго, срящу ли Его со всесожжением, тельцы единолетными? Еда приимет Господь в тысящах овнов, или во тмах козлищ тучных? Дам ли первенцы моя о нечестии моем, плоды утробы моея за грехи души моея? Возвестися бо тебе, человече, что добро или чесого Господь ищет от тебе, разве еже творити суд и любити милость и готову быти еже ходити с Господем Богом твоим. Глас Господень граду призовется и спасет боящыяся имене Его (6, 6–9). И еще у него же: паси люди Твоя жезлом Твоим, овцы наследия Твоего, вселяющыяся едины в дубраве среди Кармила, попасут Васанитиду и Галаадитиду, якоже дние века. И по днем исхода твоего из Египта узрите чудесная, узрят языцы и усрамятся от всея крепости своея, руце возложат на уста своя, и уши их оглохнут, полижут персть яко змиеве плежуще по земли, смятутся во облежении своем; о Господе Бозе нашем ужаснутся и убоятся от Тебе. Кто Бог, якоже Ты, отъемляй беззакония и оставляяй нечестия? (7, 14–18). И у Наума: горы потрясошася от Него и холми поколебашася; и ужасеся земля от лица Его, вселенная и вси живущии на ней. От лица гнева Его кто постоит? и кто сопротивится во гневе ярости Его? Ярость Его растаевает власти и камение сотрошася от Него. Благ Господь терпящым Его в день скорбения, и знаяй боящыяся Его (1, 5–7). Также у Аггея: и слыша Зоровавель Салафиилев, от колена Иудова, и Иисус Иоседеков, иерей великий, и вси прочии людие глас Господа Бога своего и словеса Аггеа пророка, якоже посла его Господь Бог их к ним, и убояшаяся людие от лица Господня (1, 12). И у Малахии: завет Мой бе с ним жизни и мира, и дах ему боязнию боятися Мене и от лица имене Моего устрашатися ему (2, 5). Также в псалме 33 (ст. 10): бойтеся Господа, вси святии Его, яко несть лишения боящимся Его. И в псалме 18 (ст. 10): страх Господень чист, пребываяй в век века.
XXI. Не должно судить безрассудно о другом
В Евангелии от Луки: не судите, и не судят вам; и не осуждайте, да не осуждени будете (6, 37). О том самом и в Послании к Римлянам: ты кто еси судяй чуждему рабу? своему Господеви стоит или падает. Станет же; силен бо есть Бог поставити его (14, 4). Сего ради безответен еси, о человече, всяк судяй; имже бо судом судиши друга, себе осуждаеши, тажде бо твориши судяй... Помышляеши ли же сие, ... судяй таковая творящим и творя сам таяжде, яко ты избежиши ли суда Божия? (2, 1, 3). То же в Первом Павловом послании к Коринфянам: мняйся стояти да блюдется, да не падет (10, 12). Аще ли кто мнится ведети что, не у что разуме, якоже подобает разумети (8, 2).
XXII. Надлежит прощать и забывать полученную обиду
В Евангелии, в ежедневной молитве: и остави нам долги нашя, яко и мы оставляем должником нашим (Мф. 6, 12). Также в Евангелии от Марка: егда стоите молящеся, отпущайте, аще что имате на кого, да и Отец ваш, Иже есть на небесех, отпустит вам согрешения ваша. Аще ли же вы не отпущаете, ни Отец ваш, Иже есть на небесех, отпустит вам согрешений ваших (11, 25–26). И еще там же: в нюже меру мерите, возмерится вам (4, 24).
XXIII. Не должно воздавать злом за зло
В Послании Павла к Римлянам: ни единому же зла за зло воздающе... Не побежден бывай от зла, но побеждай благим злое (12, 17, 21). О том самом и в Апокалипсисе: и глагола ми: не запечатлей словес пророчествия книги сея, яко время близ есть. Обидяй да обидит еще, и скверный да осквернится еще, и праведный правду да творит еще, и святый да святится еще. И се, гряду скоро, и мзда Моя со Мною, воздати коемуждо по делом его (22, 10–12).
XXIV. К Отцу можно приити только чрез Сына Его Иисуса Христа
В Евангелии от Иоанна: Аз есмь путь и истина и живот; никтоже приидет ко Отцу, токмо Мною (14, 6). И еще там же: Аз есмь дверь; Мною аще кто внидет, спасется (10, 9).
XXV. Только крестившийся и возрожденный может достигнуть Царствия Божия
В Евангелии от Иоанна: аще кто не родится водою и Духом, не может внити во Царствие Божие. Рожденное от плоти, плоть есть; и рожденное от Духа, дух есть (3, 5–6). И еще в том же Евангелии: аще не снесте Плоти Сына человеческаго, ни пиете Крове Его, живота не имате в себе (6, 53).
XXVI. Мало пользы от крещения и принятия Евхаристии тому, кто не преуспевает в поступках и делах
В Первом послании Павла к Коринфянам: не весте ли, яко текущии в позорищи, вси убо текут, един же приемлет почесть? Тако пецыте, да постигнете... и они убо да истленен венец приимут, мы же не истленен (9, 24, 25). В Евангелии от Матфея: всяко убо древо, еже не творит плода добра, посекаемо бывает и во огнь вметаемо (3, 10). В том же Евангелии: мнози рекут Мне во он день: Господи, Господи, не в Твое ли имя пророчествовахом, и Твоим именем бесы изгонихом и Твоим именем силы многи сотворихом? И тогда исповем им: яко николиже знах вас; отъидите от Мене, делающии беззаконие (7, 22–23). И еще там же: тако бо просветится свет ваш пред человеки, яко да видят ваша добрая дела и прославят Отца вашего, иже на небесех (5, 16). Также в Послании Павла к Филипписеям: да являетеся, якоже светила в мире (2, 15).
XXVII. И крещеный может утратить полученную им благодать, если не сохранит непорочности
В Евангелии от Иоанна: се, здрав еси, ктому не согрешай, да не горше ти что будет (5, 14). Также в Первом Павловом послании к Коринфянам: не весте ли, яко храм Божий есте, и Дух Божий живет в вас? Аще кто Божий храм растлит, растлит сего Бог (3, 16). О том самом и во Второй книге Паралипоменон: Господь с вами, яко бысте с Ним; ... аще же оставите Его, оставит вас (15, 2).
XXVIII. Не может быть в Церкви даровано отпущение тому, кто согрешил против Бога
В Евангелии от Матфея: иже аще речет слово на Сына человеческаго, отпустится ему; а иже речет на Духа Святаго, не отпустится ему ни в сей век, ни в будущий (12, 32). Также в Евангелии от Марка: вся отпустятся согрешения сыном человеческим и хуления, елика аще восхулят; а иже восхулит на Духа Святаго, не имать отпущения во веки, но повинен есть вечному суду (3, 28–29). О том и в Первой книге Царств: аще согрешая согрешит муж мужеви, помолятся о нем ко Господу; аще же Господеви согрешит, кто помолится о нем? (2, 25).