История

Вид материала

Аннотированный список

Подобный материал:

• Рабочая программа дисциплины «история востоковедения в россии», 460.24kb.
• Планирование 10 класс Преподаватель Гуржий Ю. А. Всеобщая история и история россии, 444.08kb.
• История Таллинна История Таллинна история Таллинн, 101.19kb.
• История история России Соловьев, 43.79kb.
• Программа минимум кандидатского экзамена по курсу «История и философия науки», 120.67kb.
• Программа минимум кандидатского экзамена по курсу «История и философия науки», 123.9kb.
• -, 268.16kb.
• Программы кандидатских экзаменов «история и философия науки» («История науки») «Науки, 50.92kb.
• Четыре проекта: Удача, Святость, Воинство, Цивилизация, 629.53kb.
• -, 534.86kb.

л. 207

Белский, книга 4, лист 241.
А Кромер, Стрийковский и Гвагнин пишут, яко дву сынов взял и ослепити повелел, деспот же с женою помо­щи ради в венгре убежа. Слышавши дщерь деспотова о братиах своих, моляше Амурата, да не повелит их ос­лепляти: «Ибо,— глаголющи,— уже во твоей власти суть, еже хощеш можеш им учинити».


Кромер, кни­га 21, лист 427.
Сие же все творяше Амурат, слышавши и видевши подлинно о несогласиах венгерских; уже и останки Рац­кия и Седмиградския земли воевал. И пришед со многим воинством под Белъград, и всею силою добываше его.


л. 207об.
Краль же полский Владислав, иже мало пред сим по изволению венгров прият и Венгерское кралевство, пос­ла ко Амурату послов, мира требующи. Он же послов повеле отвести в Смидеров, а сам жесточае добываше Белаграда, уже седмь месяцов под ним стоящи; обаче со тщетою || многою отыде, ничтоже успев.

Послом же отвеща, яко не имать смиритися, точию бы отдал ему краль Белград со останком всея Рацкия земли. Ни мало сам опасения имеющи и помышляющи о оном поражении у Белаграда, к тому частыя победы на воинство свое от воеводы венгерскаго Иоанна Гунеа­да, егда многажды побеждал турков: единою тамо под Белградом, второе в Седмиградской земле, третие под Вашкопом.

Такожде и на границах Седмиградских кровавую брань сведши преславныя победы одержал над турки и пашу имянем Мезша, славнаго и мужественнаго му­жа, и с сыном его убил, и другаго пашу имянем Скава­дна к бегству срамному принудил.


Кром<ер>, книга 21, лист 428.

л. 208
Тогда же бысть в венгрех, яко и во иных христиан­ских государствах, от папы римскаго кардинал имянем Иулиан, иже понуждаше венгров на войну противо тур­ков. К тому и деспот оный изгнанный зело прилежно мо-{191}ляше краля и властелей венгерских, дабы он от них могл приобрести оное свое погубленное || властельство.

И тако краль Владислав с венграми, таковыми про­шении принуждени бывши и оными победами вознося­щися, советоваху о войне на турков, составльши сейм во граде Будине. На той же сейм и оные послы приидоша от Амурата, сказующи гордое его отвещание. Чем венг­ры наипаче возъярени будущи, усоветоваша войну на турков, посылающи о помощи и купном промысле на них.


Стрийк<овский>, книга 17, лист 599.

Гваг<нин>, О Полше, лист 101.
Но ни откуда ничто же обретоша. И тако краль Вла­дислав лета 6951 го собрався со многим воинством, имеющи токмо помощь от Полскаго кралевства, изыде на турков купно с кардиналом Иулианом. И пришедше в землю Рацкую взимаху грады, взятые в той земле от турков. О сем уведав Амурат султан посла противо венг­ром многое воинство.


Белский, кни­га 4, лист 241.

Кромер, тамо же.
И тако турки приидоша на венгров и брань с ними со­ставиша, обаче побеждени быша от венгров, будущих под правлением воеводы Иоанна Гунеада, идеже четыре тысящи пленено бысть турков и осмь хоругвей их. И по сей победе поидоша венгры чрез славенския земли к Ма­кедонии.


л. 208об.
Амурат же, слышав о победе || воинства своего и о шествии венгерскаго воинства, посла в помощь сво­им зятя своего, асийскаго беклербега и анатольскаго пашу имянем Керембея, заповедав ему, да не творит с венграми брани явныя ^г, но да стрежет и бранит им прешествие пути теснаго между горами великими и славными во оных странах.

И пришедши тамо в тесных местех стреляху на вен­гров, но обаче видев Керембей воинства своего множае венгров, сведе с ними явную брань. Идеже побежден бысть и турков до тридесяти тысящ убито, а пять тысящ живых взято. Тамо же и сам Керембей пленен бысть, а прочии в горы бежаша.


Кром<ер>, тамо же, лист 430.
Краль же хотящи до конца победити турков, много, приступаше к горам оным, идеже и обозы их были, но не возможе взяти их, аще и сам краль несколко стрел­ных ран прият. И тако тою победою на турков паки Бол­гариа прииде в державу венгров ⁶².


л. 209
Сие же видев Амурат, к тому уведа, яко вси окрест­ныя государи и властели совещашася воевати нань, || посла первое к Юрью, деспоту Рацкому, и Иоанну Гу­неаду, воеводе венгерскому, якобы под окупом зятя {192} своего Керембея, паки хотящи мир с венграми учинити. Ведаше об известно, яко мнози согласишася нань вой­ною. К тому и другая не меншая война претяше ему во асии от караманскаго некоего князя.

Потом и к самому кралю Владиславу посла послов, смирения желающи. Иже приидоша во град Сегет со многими дары и по многих разговорех на десять лет учи­ниша мир с венграми на сицевых договорах: еже отдати Амурату венгром все взятыя грады в земле Рацкой и Сербской, Албании часть, юже держал деспот Юрик, к тому отдати два сына деспоты, иже уже ослеп­лены быша. И тако от обеих стран клятвами оно утвер­дивши, отъидоша послы. И исполняющи Амурат мирныя договоры, отдаде венгром все грады оныя и сынов деспотовых.


л. 209об.
Бысть же тогда при крале Владиславе он вышере­ченный папин посол кардинал Иулиан, иже нерадост­ным сердцем слышаше сия [ибо бояшеся папа, егда тур­ки учинят мир с венгры, тогда || на Италию войною нас­тупати имут]. Даде вскоре весть в Рим к папе и начат принуждати краля, да отвержет мир и идет войною на турков, и от клятвы оныя имянем папиным разреши его.

И тако краль, собрав воинство, иде на турков. А Аму­рат по утвержении онаго мира обратил все воинство свое во Асию противо князя караманскаго, не имеющи в Европе опасения мира ради. Егда же уведа, яко краль Владислав, отвергши мир, грядет на него с воинством, паки воинства до ста тысящ возврати из Асии и превезеся чрез море пониже Каллиполя в кораблех малых.


*Книга 21,

лист 422.

²*Книга 18,

лист 602.
Кромер поведает *, или яко наят венетинских кораб­леников, или неприлежно того стрегли они, дабы не могл преити турок. А Стрийковский пишет ²*, яко подкуплени будущи, умысльно от места того отступили с кораблями своими, дающе турком путь свободный.


л. 210
Неции же венетиане за наем и в кораблех своих пре­возили турков, паче же Франъцышек кардинал, гетман венетийскаго воднаго воинства — ему же належало стрещи и || бранити прешествие турков — сам их прево­зил на своих караблях, и кáтаргах, и галéрах, вземлющи у турков за провоз по червонному златому от всякаго воина.


Кром<ер>, книга 21, лист 432 и 433.

Стрийк<овский>, книга 18, лист 600 и дале.
И тако собрався Амурат шествова противо венгров, удивляющися таковому их наглому клятвопреступле­нию, глаголющи: «Возгордели, гаýрове [тако они ругателно христиан называют] Богом своим; ныне аз в прав-{193}де своей прииму его в помощь себе!» И тако снидеся со кралем и воинством венгерским в Болгарии у града Вáр­ны, иже отдревле назывался Деонисипóль.


Гваг<нин>, О Полше, лист 102 и 103.
И на пространном тамо поле составиша презелную брань ⁶³. И прежде венгров, над ними же началствова епископ варадинский, множеством своим одолеша, яко побегоша тии, от них едини противо Галáтии, а инии в горы к Романии.

Такожде и волохи сотрени от них быша, на которых место наступиша Франкобáн и Иулиан кардинал, хотя­щи возобновити брань. Но и тем такожде тяжко бысть от турков. К ним же притече на помощь сам ^д краль, и тако взопроша турков и едва не всех конных || прог­наша.


л. 210об.

Белский, книга 6, лист 309.
Амурат же, видев своих прогнанных, воздержася при янчарской пехоте, иже окопавшеся рвом и валом, прикрывше ров хврастием и землею, дабы незнатно было таковое ковоположение.

Краль же Владислав видев, яко вся крепость и на­дежда Амуратова в том янчарском воинстве остася, иде­же и сам Амурат султан бысть с ними, собрався со из­бранными воины венгров и поляков, нападе на толщу полки янчарскаго, уже от многих своих оставлен, ибо воевода Иоанн Гунеад и Иулиан кардинал, видевши зло, бегством спасатися начаша.

Тамо же, яко речеся, притече Владислав на толщу янчаров; биющи мужественно турков въпаде во он выко­панный ров, и с ^е конем ^е купно, и тамо от множества янчаров обскочен и убиен бысть, при нем же и прочих знаменитых воинов немало избиено бысть.


л. 211
И тако турки, с великою обаче тщетою своих, все воинство краля Владислава до конца победиша и обоз весь разориша; самих обаче турков множайшая часть збита || трупием тамо падоша. Бысть сия победа от тур­ков на венгров лета 6952-го месяца ноемвриа в 10 день.


Бел<ский>, книга 4, лист 245.
На сию войну противо турком краль Владислав име согласие со князем Албанския страны имянем Шканда­бéргом, обаче сей нужных ради преходов гор, во странах тех сущих, недоволен бяше приити венгром в помощь.

О сем Шкандаберге много славных мужественных воинских ^ё дел повествуется в историах, яко он много­численныя турецкия воинства малым своим воинством побеждал и тридесять браней победительных над турка­ми имел, а сам единою токмо побежден был. О чем умол-{194}чах зде описати, краткости сея истории снисходящи, ибо о таковом знаменитом победоносце лучши совершенно молчати, нежели мало писати.


Кром<ер>, книга 22, лист 442.

л. 211об.
Но ко описанию обладательства Амуратова возвра­щаюся. По оной убо победе, восприятой над венгры, зело возгорде Амурат. Посла воинство воевати стран Венгерских, противо которому изыде венгерский воево­да Иоанн Гунеад, имеющи || двадесять и две тысящи ^ж воинства с собою, к тому и воеводу мултанскаго в по­мощь.


Той же, тамо же.
И иде в Болгарию к реке Счтнице, и бывши брани побеждени быша венгры от турков, обаче и самих до тридесяти тысящей, по три дни бою бывшу, убиено бысть.


Бел<ский>, книга 4, лист 250 и 251.
Потом турецкое воинство идоша на пленение Рацкия и Сербския земли, идеже обладаше Юрик деспот выше­реченный. Но тамо нечаянным пришествием на помощь от онаго же Иоанна Гунеада сами быша побеждени. Бысть сие лета 6956-го.

Потом Амурат со всеми силами своими поиде во Ал­банию противо онаго Шкандаберга и обляже столный его град Кро, его же многими вымыслы добываше. Но видев крепкостоятельство оных граждан, и промысл Шкандабергов, и яко не возможе взяти его, аще и всеми силами покушашеся, от великаго гнева и срама в тяж­кую болезнь впаде.


л. 212
И тако изверже душу свою во обозе под градом в на­метах. Инии поведают, яко жив отвезен бысть во Ан­дрианополь и тамо умре лет 6958-го, пребыв на обла­дателстве 28 лет, || царство вручив сыну своему Махомету.

По смерти Амуратовой янчары учиниша смятение ве­лие, и тогда жидов, греков, и армян, и христиан грабили и побивали. Ибо таков у них вкоренися обычай по смер­ти султанов их. Тело его сын его Махомет, намазав мастями, отвезе к погребению во Асию во страну Вифи­нийскую, идеже обычай тогда бяше погребатися сул­таном.

Махомет 2,

8 султан турецкий


л. 212об.

Кром<ер>, книга 22, лист 442.
Махомет вторый сим имянем, но в числе осмый пове­литель турецкий, отцу своему ^з Амурату во Асии, во об­ласти Вифинии, во граде Бурсии достойное погребение {195} соделавши, кроме всякаго препятия облада царь­ством. И первое простре к докончанию войну, юже еще отец его имяше с царем или князем Караманския стра­ны ⁶⁴. И изведши нань || многое воинство, победи его и данника себе учини.

Потом, не хотящи гнуснети и в худых вещех пребы­вати, простираше ум свой к делам высочайшим. Жела­ние непрестанно имущи, како бы могл Греческим цар­ством соверъшенно обладати и Константинополь во власти своей имети, ничтоже, яко безверник, помнящи на примирение, иже тогда бяше между им и царем гре­ческим Константином Палеолóгом, сыном Манýиловым, учиненное еще з братом его царем Иоанном.


Гваг<нин>, О разных кра­ех, лист 76.
Подаваху бо ему множайшаго дерзновения междо­усобныя христианския развраты и нестроения. Яко мощ­но рещи о властелех христианских: «Видевше не виде­ша и слышаще не слышаша». И таковому преславному на востоце Греческому царству попустиша пасти, не восхотеша таковому злу прежде забежати и помощи подати.

Всяко же и сами греки вконец объюродеша. Изволи­ша бо с сокровищми вкупе погибнути, в землю их зако­повающи, нежели истощити их на оборону свою и имети жен, и детей, и прочая стяжания во всякой свободе.


л. 213
Но что глаголю || сия, зане тщетна есть человече­ская помощь, изволившу тако Богу, понеже в царех гре­ческих, и князех, и сигклитах наипаче тогда умножися велие нестроение и междоусобства, грехи же всенарод­ных человек зело оскорбляху щедроты Божия.

О таковом убо падении Греческаго царствия и взя­тии преславнаго Константинополя в древних историах сице повествуется.


Кром<ер>, книга 22, лист 442.
Егда облада Махомет султан ^и турецкий всею Фра­киею, тогда все желание свое к тому приложи, еже бы и самим Константинополем обладати. И первое к вящ­шему утеснению его повеле зелною скоростию соделати град в Пропондсе⁶⁵ на брезе Фракийскаго моря в ближнем растоянии от Константинополя. К тому еще постави на море многия галеры, и корабли, и каторги со многим воинством и пушками, не дающи греком сво­боднаго шествия по морю.


л. 213об.
Егда же царь Константин с сущими во граде ощути­ша на себе устроение Махометово, в недоумении бывши, послаша посланники к Махомету уведати истинну и мирный завет подтвердити. Но той кровопийственный {196} зверь посланников безделных отсла, уготовляшеся ко облежанию града. ||

Царь же и вси людие велми убояшеся и недоволни будуши своим воинством противитися таковому его уст­ремлению, понеже воинскаго собрания мало бе и брати­ям царевым не сущим тамо. Аще бо и имяху воинство, но малое, к тому не обыкновенное и в делех воинских неискусное.

Того ради ко областем латинским прибегоша, в Рим к папе и во иныя кралевства послаша, со слезами и рыданием помощи просящи. Такожде царь Констан­тин посла ко братиям своим во Амморию ⁶⁷ и к прочим сродником своим помощи ради.

Латини же ни мало сему вняша и ниже краем уха таковаго прошения послушаша. Паче же неции и жела­ху того, ибо итталиане и французи отдавна уже не еди­нова покушахуся обладати Константинополем.

И того ради не даша помощи, глаголюще в себе: «Егда турки Константинополь возмут, тогда уже мы у турков возмем». Сие же того ради умыслиша, дабы не возмнел кто оных без причины подвигших брань на греков.


л. 214
Оле студа разоряемой Елладе, сиречь || Греческому царьству! Не познаша, яко разоритися имут и прочия области их! И тако кроме оных помощи царь Констан­тин со своими затворися во граде в страсе мнозе.

Лета же от Сотворения Света 6961-го, а от воплоще­ния Сына Божия 1453-го, месяца декемвриа ⁶⁸ Махомет султан турецкий, совокупяся со бесчисленным воинст­вом, предивным ополчением и страшным движением по­суху и поморю прииде под царствующий град.


Белскнй, тамо же.
И первое повеле по всему воинству проповедати, аще одолеют и возмут град, то вся тамошняя сокровища им даны будут. И тако дерзновенных своих учинив, ятся делу.


Сте<пенная>, тамо же.
Повеле делати башни древяныя превыше градских высочайших стрелниц. Такожде вал, шáнцы, и тур, и мóсты чрез рвы. Еще же соделати мост от Пéры до Га­лат, две тысящи ступеней, дабы не могла морем по­мощь приити ко граду. Такожде и тайное подкопание глубочайшее повеле делати.


л. 214об.
Царь же Константин со сущими во граде, видев та­ковая, ни откуду надеющися помощи, на Бога единаго надежду возлагаху и к || нему воздыхания испущаху.

Елико можаху противляхуся турком и изшедши из града бияхуся с ними, не дающи им стенобитных хит­ростей устрояти и града обступати. Но не возмогоша {197} удержати того, зане силе турецкой тяжцей сущи, яко рещи: «Един бияшеся с тысящею, а два со тмою про­тивных».

И тако преодолен бысть град и окружен ратными, такожде и самая Галата, яко не возможно бяше ни от коея страны приити помощи ко граду.

Сущии же во граде царь, и царица, и патриарх Ана­стасий со освященным собором и множеством народа, мужей, и жен, и детей, постом и бдением смирившеся, обхождаху святыя церкви, молебная совершающи.

Потом царь непрестанно ездяше около града, укреп­ляющи стратигов, и воинов, и прочий народ, да не осла­бевают противлением на враги, упование возлагающи на Бога.


л. 215
И повеле велможам и начальником разделити вои­ном градския стены, и стрелницы, и врата; и на местех, отнюду же чаяху приступу, поставити пушки, и пищали, и || колоколы собрания ради воинов. И заповеда им, да кийждо от них хранит свою отделенную часть стен и биются с турки, а из града да не исходят.

Стены же убо градския красотою и высотою аще и по вселенней славни бяху, но нерадением греческих начал­ников промысла и покрова пусты суще, зело обетшаша и ослабеша. Егда же отвсюду турки обседоша град и вся яже на разорение града уготоваша, умыслиша сотвори­ти явный приступ ко граду.

И месяца февруариа в 14 день заповедаша нечести­вый пост всему воинству, и быша посту их днем точию, а в нощи питахуся, и пироваху, и друг друга объемлюще целовахуся, яко бы к тому не имуще надежды видетися.

Потом начаша ратовати град ото всех стран и бияху­ся со гражданы чрез тринадесять дней непрестанно, не дающе им ни мало починути, и уготовляхуся к приступу. Граждане же крепко бияхуся с турки, кийждо своего отделеннаго места блюдущи.


л. 215об.
В четвертый же надесять день после начала брани и по скверном посте их, еже имать быти февруария в 28 день, прежде зари еще, паки сотвориша скверную свою || молитву, начаша в различныя ратныя трубы трубити и литавры бити.

И прикативши пушки и пищали многи, начаша бити по граду, такожде стреляти из ручниц и из луков тмо­численных, яко граждане от безчисленнаго их стреляния не можаху на стенах стояти и укрывшеся ожидаху оных на стены восхождения; инии же противо стреляху ис пу­шек и из пищалей и многих турков побиваху.

Егда же нечестивии всех людей сбиша со стен, тогда {198} абие воскричавше, все воинство вкупе ото всех стран на­падоша на град кричаще и вопиюще, овии с лествицами и турами, инии же со огни различными и прочими стено­битными многими устроении и хитростьми с великим дерзновением приидоша, мнящи внезапу похитити град. Градстии же воини воставше текоша на стены, кийждо на свое место, вопиющи и кричащи на турков, биющися с ними крепко.


л. 216
Царь же объезжаше по всему граду, понуждаше и увещеваше воинов и народ и обещавая им помощь Божию; и повеле в колокола звонити на собрание лю­дем || по всему граду. Турки же, яко услышаша велий звон, подобящися тому, возглашаху во многия трубы и прочая тмочисленная бранная орудия. И бысть тогда велия и преужасная брань, яко от пушечнаго стреляния, и пищалных гласов, и звуку звоннаго, и от трескоты всякаго оружия от обоих стран бе слышати паче громов многих.

Такожде от гласов, и вопля человеческаго, и слезна­го рыдания жен и детей градских мнетися и земли коле­батися тогда, и не бе слышати, еже друг ко другу глаго­лаше. От множества же огней и стреляния пушек и пи­щалей от обоих стран дымное курение сгустившися пок­ры град и все воинство, яко не мощно бе видети, кто с ким брань имяше; и от дыму того мнози задыхахуся напрасно падающе умираху. И сечахуся на всех странах града, за руки емлющися.


л. 216об.
И пребысть таковая премрачная сеча чрез весь день, донеле же нощная тма раздели воинства и прекрати сечу. И тако турки отъидоша от града во станы своя, оставльши мертвых своих. Градстии же людие от вели­каго утомления || падоша яко мертвы на землю, егда токмо едини стражи осташася на стенах.

Наутрие же повеле царь собрати мертвых своих и по­гребсти их. Бяше же число избиенных — единых ^к гре­ков славных и знаменитых 1740 мужей, а немец и армен да седмисот мужей.

Потом царь з боляры поиде по стенам града, хотя ви­дети ратных своих, и хождаше смотряющи их, от них же ни гласа, ни послушания — вси бо от великаго труда яко мертвы спаша.

Позревши же на страну противных за град, видеша полны рвы трупов турецких, такожде в потоках и на бре­гах морских велия громады лежаху трупия поганых; и посме<ти>ша убиенных турков до 18 000. {199}

И повеле царь своим тихо сошедши со стен вся стено­битная устроения, иже осташася от турков под стенами града, огню предати. А сам с патриархом ⁶⁹, и со всем со­бором, и з боляры поиде в великую церковь, благодаря­щи Бога: мняху бо Махомету, видевшу толикое падение своих, во ужасе быти и отступити от града.


л. 217
Но той зверообразен сый не тако смы-||шляше. И во вторый день посла видети убиенных своих, и возвещено ему бысть о множестве их. Он же посла полки многия взяти трупия, а царь заповеда своим во граде, да не пре­тят того турком никоим оружием, да очистятся рвы и потоки. И тако нечестивии взяша трупия мертвых и пожгоша их.

Но аще и видев нечестивый Махомет, яко ничтоже успе граду, но тщету в людех велику прият, не ослабе обаче в деле своем. Но призвав воинских началников своих, вскоре повеле им, уготовя многи пушки и пищали, привалити ко граду; и всему воинству ити и такожде не­ослабно прилежати брани, не дающи гражданом ни ма­лыя ослабы.


л. 217об.
Царь же Константин с сущими во граде, видев тако­вое Махометово непреклонное намерение, посылаше по­морю и посуху во Амморию, и Венетию, и в прочия стра­ны и островы помощи ради, такожде и к братии своей. Но ни откуду возможе обрести того, зане братия его сами брань с прилежащими си народы имяху; прочии же такожде, || яко и прежде в мысли своей содержа щи, без­делных посланных отпущаху.

Яко оттуду ни малыя прииде помощи, един токмо зи­новианин князь имянем Зустунéй прииде к Константино­полю на помощь на двух караблех и на двух катаргах, имея с собою вооруженных шестьсот мужей храбрых, и проиде сквозе все водное воинство турецкое, и прииде благополучно под стены Константинопольския.

[Сей князь коея бе страны или области, о том не мог­ло обрестися в подтвержение от иных историй иностран­ных, токмо в российских обретается написано тако. Страны же, или области, или града Зиновии не могох у описателей и историков обрести, но ниже имени тако­ваго когда во оных странах обношашеся. Но обаче оный князь многославен бе и мужествен, яко сия историа ниже о нем объявити имать. Аще имя его в российских историах невежеством или неискусными писатели изме­нися, обаче «Достоин делатель мзды своея» — сице и той мужественной муж вечныя славы].