Молитвы преподобному Ефрему Сирину
| Вид материала | Документы |
- Варианты текстов «Молитвы врача от рамбама», 278.13kb.
- Глен Кун Азбука молитвы, 1906.73kb.
- Домашняя молитва, 32.32kb.
- Сочинение блаженного старца схимонаха и архимандрита Паисия Величковского настоятеля, 410.61kb.
- Н. К. Величко Узок путь, ведущий в жизнь, 2461.53kb.
- Акафисты и каноны Акафист Пресвятой Богородице. Молитвы Ея чудотворным иконам, 1303.6kb.
- Урок по теме : «духовная и светская литература на примере молитвы и стихотворений, 105.31kb.
- «На поклон к преподобному Савве Сторожевскому по Царской дороге», 469.45kb.
- Родина Богоноснаго Сергия Его родители Их семейство Чудное предзнаменование Размышления, 591.99kb.
- 1. общий подход к молитве смысл молитвы состоит в интеллектуальных усилиях человека,, 782.16kb.
Молитвы преподобному Ефрему Сирину
Молитва первая
О угодниче Христов, отче наш Ефреме! Принеси молитву нашу к милостивому и всесильному Богу и испроси нам, рабам Божиим (имена), у благости Его вся яже на пользу душам и телесем нашим, веру праву, надежду несумненну, любовь нелицемерну, кротость и незлобие, во искушениях мужество, в злостраданиях терпение, во благочестии преспеяние, да не во зло обратим дары Всеблагаго Бога. Не забуди, чудотворче святый, и святый храм (дом) сей и приход наш: сохрани и соблюди их молитвами твоими от всякаго зла. Ей, святче Божий, сподоби нас кончину благую улучити и Царствие Небесное унаследити, да прославим дивнаго во святых Своих Бога, Емуже подобает всякая слава, честь и держава, во веки веков.
Молитва вторая
О священная главо, преподобне отче, преблаженне авво Ефреме! Не забуди убогих твоих до конца, но поминай нас всегда во святых и благоприятных молитвах к Богу: помяни стадо твое, еже сам упасл еси, и не забуди посещати чад твоих моли за ны, отче священный, за дети твоя духовныя, яко имеяй дерзновение к Небесному Царю: не премолчи за ны ко Господу, и не презри нас, верою и любовию чтущих тя: поминай нас недостойных у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва: аще бо телом и преставился еси от нас, но и по смерти жив сый пребываеши, не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со ангельскими воинствы, со безплотными лики, с небесными силами, у престола Вседержителева предстоящи, достойно веселится, ведуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу: Ему же подобает всякая слава, честь и поклонение, со Безначальным Его Отцем, и с Пресвятым и Благим и Животворящим Его Духом, ныне и присно, и во веки веков. Аминь.