Духовно-нравственное оскудение народа во второй половине XIII века
Информация - Культура и искусство
Другие материалы по предмету Культура и искусство
ыша правила реченаго в Фругии 55: дьяконом преже прозвитера не входити в святыи олтарь, ни попом преже епископа. Никейскаго же Сбора правило 18 писано бо есть сиче: слышахом, рече, о некых, яко неции дьякони преже епископ благодарению прикасающееся. Повелеваем отселе дьяконом по попех възимати причащение. Томоу же святому Сбору последоуем, отселе не повелеваем дьяконом Агньца вынимати, нъ попом. Аще кто обрящеться по нашеи заповеди се творя, негодованием епископ места того да извержеться, аще сведает; аще ли не весть, прощен боудет. Аще ли не покорящеся, нъ въпрекы глаголют, да боудоут вси извержении; аще ли люди молвоу начноут творити, да боудоут проклятии.
Понеже оуведехом в тех же странах неродьство творящее, бещинье святительско, оупивающеся без меры в святыя пречистыя дьни постеныя, от светлыя неделе верьбныя до всех святых, яко не бытии божествьномоу приношению, ни божествьнаго крещения до всех святых: мы же последьствоуем божествьным правилом; глаголют бо: поп оупиваяся, да останеться, ли да извержеться. Мы же заповедаем преподобным епископом: аще не покаеться, повелеваем всех изврещи. Лоуче бо един достойных слоужа, неже тысяща безаконьн. Аще ли явяться спиры творящее народы, не покоряющееся семоу правилоу, проклятии да боудоут.
Пакы же оуведехъм в тех же странах, яко нецыи несвящении освящают приносимая к церкви плодоносия, рекше кроупы или коутья за мертвыя, повелеваем от сего времени таковомоу не бытии, ни от дьяконов да не освящено. Писано бо есть в правиле 18 Никийскаго Сбора; пакы же Сбора иже в Лаодикии правило 15: неосвященоу ни Пети, ни чисти на анбоне, или божествьнаго словесе людем почитати, аще священничьскаго постриженья на главе не имать, ни благословения от своего пастыря, по святым правилом, не приял боудет; аще приял боудет, обачеже и таковомоу несть инако како Пети или чисти на анбоне, аще не облечеться в белыя ризица. Малыя же ризица глаголеться гречьскым языком диффера или фелонь. Повелеваем же от селе в всех церквах ни Апостола чисти, ни прокимена пети, ни в олтарь входити неосвященомоу. Дьяк аже освящен боудет, да не прикасаеться к съсоудом освященым, ни святаго кандила никакоже да не дьрзнет принести, разве аще не дьякон или поп, ни самомоу томоу великомоу подьякоу. Пономарь же всем церквам от чистых да освящают, да не боудет всем просто входен святый Божий олтарь. Ничтоже да не весено боудет в Божий олтарь, ни коутья, ни ино что отиноудь. Поп, ни дьякон да не входят праздению, ни леностию, да не досажают пречистоумоу местоу, бещиноу въходя.
И се слышахом: в пределех новгородьскых невесты водят к воде. И ныне не велим тому тако бытии; аще ли, то проклинати повелеваем.
И се слышахом: в субботу вечер сбираються вкуп мужи и жены, и играют и плящут бестудно, и скверну деют в нощь святаго въскресения, яко Дионусов праздник празднуют нечестивии елени, вкупе мужи и жены, яко и кони вискают и ржут, и скверну деют. И ныне да останутся того; аще ли, то в преже реченый суд впадут.
О кресте, иже на земли и на леду пишют. Никтоже да не пишет на земли креста и на леду, егда воду крестят, да не оукаряемо боудет победное оружье наше. По крещении бо попирают ногами человеци, кони и весь скот и псы, потом и порты мыют и польют и сквернами. Не тем бо крестом освящаеться вода, доспеным на леду, нъ держимым священьничьскими руками. И неции глаголют, яко освятил есмь крест трижды и четырежды. И крестов много связавшее, вода крестити, и до осми дней в перенос носити, и потом разрешати кресты, - что сего несмысльства горее? Чьтуще и не разоумеем: да мы сотонины съблазны и многыми грехы связани, ищем крестом резрешитися. Крест бо освятился есть кровью Христовою и освящает вся - люди и водоу, а креста - никтоже: тъ како мы крест освящаем, вяжем и раздрешаем? Отселе не буди тако; аще ли, то проклинати повелеваем.