СКАЗАНИЕ ОБ УБИЕНИИ ДАНИИЛА СУЗДАЛЬСКОГО И О НАЧАЛЕ МОСКВЫ
И почему было МосквЪ царством быть, и хто то знал, что МосквЪ государством слыть? Были тут по МосквЪ-рекЪ села красные, хорошы боярина Кучка Стефана Ивановича. И бысть у Кучка боярина два сына красны, и не было столь хорошых во всей Руской земле. ИзвЪдавъ про них князь Данило Суздальский и спроси у боярина Кучка Ивановича двух сыновъ к собЪ во двор с великим прением. И глагола: «Аще не дашь сыновъ своих ко мнЪ во двор, и яз-де на тобя с войной приду, и тобя мечем погублю, и села твои красные огнем пожгу». И боярин Кучко Стефан Иванович убояся грозы князя Данила Суздальсково и отдав сыновъ обоих своих князю Данилу Суздальскому. И князю же Данилу Суздальскому полюбилися оба сынови Кучковы, почал их любити, и пожалова их — одного в стольники и другаго в чашники. И приглянусь онЪ Данилове княгине УлитЪ Юрьевне, и уязви дьяволъ ея блудною похотью, возлюби красоту лица их; и дьявольскимъ возжелЪнием зжилися любезно. И здумали извести князя Данила. И мысля Кучка боярина дЪти со княгиною, како предати злой смерти. И умыслиша ехати поля смотрити зайца лову. И поехав князь Данило с ними на поле и отъехав в дебрии, и нача Кучковы дЪти предавати злой смерти князя Данила. Князь ускоче на конЪ своем в рощу, частотЪ лЪса, и бежав злЪ Оку-рЪку, остав конь свой. ОнЪ же злии, аки волцы лютии, напрасно хотя восхитити его, и в торопях и сами во ужастЪ иска его, и не могоша надти его, но токмо нашед коня его. Князь же добежав злЪ Оку-рЪку до перевоза, и нечево дати перевозчику перевозного, токмо с руки перстень злат. Перевозщикъ глаголаше: «Лихи-де вы люди оманчивы, како перевези за рЪку вас, и удете не заплатя перевознаго». А не познав его, что князь есть. Перевозчик же приЪхавше блиско ко брегу и протянув весло: подай-де перстень на весло перевознаго. Князь же возложыв на весло свой перстень злат, перевозщык взяв перстень к собЪ, и отпехнувся в перевознЪ за Оку-рЪку, и не перевез его. Князь побЪже злЪ Оку-рЪку, бояся за собою людей погонщиков. И наста день той к вечеру темных осенных ночей. И не вЪсть, где прикрытися: пусто мЪсто в дебрии. И нашед струбец, погребен ту был упокойный мертвый. Князь же влЪзе в струбецъ той, закрывся, забыв страсть от мертвого. И почии нощь темну осенную до утрия. Сыновъ же боярина Кучка Ивановича быв в сЪтованье и в печали, во скорби велицей, что упустили князя Данила жыва с побоища ранена: «Лутче было нам не мыслити и не дЪяти над князем злого дЪла смертнаго. Ушел-де князь Данило ранен от нас в Володимер-град ко брату своему, ко князю АндрЪю Александровичю, и будетъ князь АндрЪй к нам за то с войским, и принят будет от них злая казнь розноличная и смерть лютая, а тебЪ, княгина Улита Юрьевна, повЪшеной быть на воротех и злЪ ростриляной, или в землю по плечь жывой быть закопаной, что мы напрасно здумали зло на князя неправедно». Злая же та княгина Улита, наполни ей дьявол в сердце злыи мысли на мужа своего, князя Данила Александровича, аки ярому змею яда лютаго, а дьявольским и сотониным навождением блудною похотью возлюбив милодобрЪх и наложников и сказа им, Кучковым дЪтям, своим любовникомъ, все по ряду: «Есть-де у насъ песъ-выжлец. И какъ князь Данило поежжает на грозные побоища против тотаровей и крымских людей и заказывает мнЪ поедучи: «Либо-де я от тотаровей или от крымских людей убит буду, или на поле случитце мнЪ смерть безвЪстная, и в трупу человЪчье меня сыскать или опознать будет немошно, или и в полонъ возмут жыва меня тотаровя, и которой дорогой в кою страну свезут меня жыва в свою землю, и ты пошли искать меня своих дворян с тем со псом выжле-том, и вели им пусти пса того наперед проста и за ним самим ехати, и гдЪ будет я жыв свезен, и пес той дорогой дойдет меня, или на поле буду мертвъ без висти, или на побоище убит в трупу многаго человЪчья, и образ у меня у мертваго от кровавых ран переиначитце, не познать меня, и тот пес сыщет без оманки меня и мертвому мнЪ почнет радоватися, а мертвое мое тЪло почнет лизать на радосте». И на утрии княгина Улита того пса-выжлеца дав им, своим любовником, и твердо им наказывала: «Где вы его, князя, со псом сыщетЪ жыва, и тут ему скоро и смерти предайтЪ без милости». Они же, злии, злаго ума от тоя злоядницы княгины Улиты наполнились, взяв пса того, и доехав того мЪста, где князя Данила вчера ранили, и с того мЪста пустиша напред собя пса-выжлеца. И пес побЪже, а они за ним скоро ехаша. И побежав пес злЪ Оку-рЪку, и добежав до того струпца упокойнаго, где ухоронися князь. И забив пес главу свою в струбец, а самъ весь пес в струбец не вмЪстися, и увиде пес государя своего, князя Данила, и нача ему радоватись ласково. ТЪ же искомыи его увидЪвше пса радующеся и хвостом машуще и, скоро скоча, скрывают покров струбца того и нашли тут князя Данила Александровича. И скоро ту князю смерть дают лютую, мечи и копьи прободоша ребра ему и отсекоша главу ему, в том же струбце покрыша тЪло его. Той же благовЪрный князь Данило Александровичь бысть четвертый мученик новый, прият мученическую смерть от прелюбодЪяний жены своие. Первый мученики, Борис, и ГлЪбъ, и Святослав, убьени быша от брата своего, окаянного Святополка, рекомого Поганого полка. Кучковы же дЪти приехав во град Суздаль, и привезли ризу кровавую князя Данила Александровича ко княгини его, и немного жыша со княгиней той въ бесовскомъ возжделением, сотониным законом связавшися, удручая тЪло свое блудною любовною похотию, скверня в прелюбодЪвствии. Но скоро доходит вЪсть в Володимер-град ко князю АндрЪю Александровичю, что здЪяся таковое злоубивствие над братомъ его Даниломъ. Сыне же его, Ивану Даниловичю, внуку Александрову, остася младу сущу, но токмо пяти лЪтъ и трех месяцъ, и храняше его и соблюде его вЪрный слуга бысть князю Данилу, именем Давыд Тярдемив, храняше его втаи два месяца. И зжалися той вЪрный слуга Давыд о княже сыне ИванЪ, и взяв его отай нощию, и пад на конь, и гнав с ним скоро ко граду Володимеру, ко князю АндрЪю Александровичю, по рождению к дядюшке его. И сказав слуга той Давыд князю АндрЪю все по ряду бывшое, что во градЪ СуздалЪ содЪяся злоубивствие над братом его Даниломъ. Князь же АндрЪй зжалися по братЪ своем, аки князь Ярослав Владимерович по братьи своей, по Борисе, и ГлЪбе, и по СвятославЪ, на окаяннаго злаго братоубийца Святополка, нарекомого Поганого полка. И собра Ярослав новгородцев войска, и бога coбЪ в помощь призывая, и шед ратью, и отметив кровь праведну братьи своей, Бориса, и Глеба, и Святослава, побЪдив окаянного Святополка Поганого полка. Такоже сий новый Ярослав, князь АндрЪй Александрович, прослЪзився горце по братЪ своем, князе Даниле Суздальском, и воздевъ руце на небо, и рече со слЪзами: «Господи, владыко, творце и всему создатель, мстил еси ты кровь праведну Бориса и Глеба князю Ярославу на окаянного Святополка. Такоже, господи владыко, мсти кровь сию неповинную, мнЪ грЪшному, брата моего, князя Данила, на злых сих блудников, наложниковъ тоя бляди Улитки, несытых их плотских, блудных, скверных, грязных похотей, бесовских угодных делъ, связанья их сотонина закона. Святополкъ окаянный братоубивство сотворив, очи его злыи прельстися несытии сребра, и злата, и имЪния многаго, власть царствати сего свЪта на един час восхотЪвъ, а небеснаго царства вовЪки отринух, а во днЪ адовЪ вовЪки мучение возлюбивъ. Такоже и та блядь Улитка своего чрева блудныя, скверныя похоти насытовство всласть на един час в бескорывство приим, не токмо небеснаго царьства отринувся, но и сего свЪта власть, и злато, и сребро, и ризы многоценныя отринув, но возлюби скверность блудную, похоть чреву, несытость, возляже с тЪми наложники на един час, сласть возлюби, всю земную красоту забывъ, а стала ино аки адъ изблева, похоть скверную вылья, невЪста готовитце окаянному Святополку во днЪ адовЪ, от сотаны дьявола законъ приемлют вовЪки мучение, мужа своего изгубих своими наложники, аки сотона со двема дьяволы». И собра князь АндрЪй в Володимере-градЪ своего войска пять тысящь и поиде ко граду Суздалю. И слышав во градЪ СуздалЪ Кучка боярина Стефана Ивановича дЪти, что идетъ на них из Володимера-града князь АндрЪй с войским, и обыде их страх и ужасть, что напрасно пролия кровь неповинную. И не возмогоша стати противо князя АндрЪя ратоватися, и бежа ко отцу своему, к Кучку боярину Стефану Ивановичи. Князь же АндрЪй своим воинствомъ пришедъ в Суздаль-град. Суздальцы же не противишася ему, но токмо покоришася ему глаголюще:«Государю князь АндрЪй Александрович, мы бо не совЪтники государю своему убоица князю Данилу, но не вЪмыи, что жена его злую смерть ему в кий час получи и можем тебЪ, князю АндрЪю, пособьствовати на слых тех измЪнниковъ». И взяв княгину Улиту, и казня всякими муками розноличными, и предаде ея смерти лютое, что она, злая, таковаго безтутства, дЪтеля бога не убояшася и вельможь, и всяких людей не усрамишася, а от добрых жен укору и посмЪху не постыдЪшася, мужа своего злой смерти предала, и сама ту же злую смерть прия. И собрався суздальцев три тысячи войска ко князю АндрЪю пособъствовати, и поидоша князь АндрЪй со всею силою на боярина Кучка Стефана Ивановича. И не было у Кучка боярина круг его красных селъ ограды каменныя, ни острогу деревянного, и немного возмог Кучко боярин боем битися. И невдолге князь АндрЪй своей силою войскою емлет приступом селы и слободы красныя Кучка боярина, и самого его, Кучка боярина, и сь его дЪтми в полонъ емлетъ. И куют их в желЪза крепкие, и казнят его и з дЪтми его всякими казнми розноличными лютыми. И ту Кучко бояринъ и своими дЪтми злую смерть приятъ в лъто 6797 (1289) месяца марта в 17 день. Князь же АндрЪй Александровичь отметив кровь брата своего, победив Кучка боярина и злых убиец князя Данила, брата своего, а дЪтей Кучка боярина и все имЪнье богатства его розграбиша, а селъ и слобод красных еще не позжгоша огнемъ. И воздаде славу бога на радостЪ, и почии ту до утрия. И на утрии востав и посмотрив по тем красным селам и слободам, и вложы богъ в сердце князю АндрЪю мысль: тЪ села и слободы добрЪ ему красны полюбилися, и мысля во умЪ своем уподобися ту граду быть. И воздохнув из глубины сердца своего, и помолився богу со слЪзами, и возревъ на небо, и рече: «Боже вседержителю, творче и всему создатель, просвяти, господи, мЪсто сие, уподобися граду быти и церквамъ божиим, подаж ми, господи, помощь хотЪния мысли моея устроити». И оттолЪ князь АндрЪй сЪде в тех красных селах и слободах жительствовати, во граде же Суздале и в Володимере посажая державъствовати сына своего Георгия, а плямника своего, брату сына, Ивана Даниловича, к собЪ взяв и воспитав его до возраста в добрЪ наказании. Той же благовЪрный князь АндрЪй Александрович созижде церковь святыя богородицы честнаго и славнаго ея БлаговЪщенья, но невелику сущи, древянную, и бога в помощь собЪ призывающи и пречистую его богоматерь. Таже нача и град основати около тех красных селъ по МосквЪ-рЪке, бога собЪ в помощь призывая. С ним же пособствова суздальцы, и володимерцы, и ростовцы, и все окрестные. Ту и соверши град божию помощию, и устрои, и башни здЪла, и всЪ градное устрои в лъта 6799 (1291) мЪсяца июля въ 27 день на память святого великомученика ПантелЪймона. И оттолЪ нача именоватися и прославися град той Москва. |
Blog
Home - Blog